कॉर्पोरेट ट्रेनिंग

एकत्रित वाटचाल यशाकडे

मोठमोठ्या कंपन्या किंवा व्यावसायिक संस्था/संघटना यात वेगवेगळया स्तरांचे/ व्यक्तिमत्वाचे असंख्य लोकं, आपापल्या कंपनीची किंवा संस्थेची उद्दिष्टे साध्य करण्यासाठी एकत्र काम करतात. जसजसा वेळ जात असतो तसतसे या व्यक्तिमत्वांचे वेगवेगळेपण किंवा रंग दिसायला लागतात. काही यशात सहभाग देतात तर काही अपयशास कारणीभूत ठरतात. काही प्रत्येक कामात नेहमीच पुढे असतात व सर्वाना सोबत घेवून काम करतात तर काही एकटे पडतात किंवा नेहमीच बांधावर बसलेले असतात.

या प्रत्येक व्यक्तीमत्वामध्ये काही वेगळेपण किंवा एक नैसर्गिक देणगी/कला/कुशलता असते. जर त्यांनी ती पूर्णपणे वापरली तर कोणतेही काम अशक्य नसते. पण कुठेतरी त्यांच्यातील गुणांचा वापर करवून घेण्यात कंपन्या कमी पडतात किंवा त्यांच्यातील गुणांची जाणीव त्या कंपनीलाच काय पण त्या व्यक्तीला देखील नसते. आणि जरी असेल तरी कित्येक वैयक्तिक किंवा प्रासंगिक कारणांमुळे ती दडवलेली असते. बहुतेकवेळा कंपनीपेक्षा स्वतःच्या वैयक्तिक लाभाची काळजी करणारेच खूप जास्त असतात.

प्रत्येक कंपनीच्या गरजा, कंपनीची वाटचाल, त्यात असलेल्या स्टाफचा सहभाग किंवा कंपनीच्या वाढत्या वाटचालीमुळे निर्माण होणारे बदल आणि गरजा; त्यांच्या त्या गरजांबाबत स्टाफ कडून असलेल्या अपेक्षा इत्यादी गोष्टींचा कॉर्पोरेट ट्रेनिंग प्रोग्राम मध्ये खोलवर विचार केला जातो व या सर्व बाबी लक्षात घेवून प्रशिक्षणाचा मसुदा तयार केला जातो, अगदी प्रत्येकाच्या गरजेनुसारच.

या प्रशिक्षणा नंतर प्रत्येक व्यक्तीमध्ये एक समान धागा निर्माण होण्यास मदत होते आणि अगदी साध्या कामगारापासून ते व्यवस्थापकापर्यंत सर्वजण एकाच ध्येयावर एकत्र येतात आणि ते त्या कंपनीचा अधिकृत चेहरा बनतात.

खालील विषयांवर कार्यशाळा व चर्चासत्र घेण्यात शैलेश तांडेल सुप्रसिद्ध आहेत.

मंत्र यशाचा
वेळ अनमोल
प्रभावी संवाद
व्यक्तिमत्व विकास
टीम बिल्डिंग
नेतृत्वगुण विकास
नातेसंबंध विकास
आत्मविश्वास आणि आत्मसन्मान
ताणतणावावर मात
ताणतणाव मुक्त जीवनशैली
भूतकाळाच्या गर्तेतून मुक्तता

ठळक वैशिष्टे

गरजेप्रमाणे सेमिनारची रूपरेषा
फक्त तुमच्याच संस्थेतील निवडक लोकांचे प्रशिक्षण
एकमेकांशी संबंधात सहजपणा व मोकळेपणा
झोकून देणाऱ्या वृत्तीची निर्मिती
संस्थेच्या वाटचालीत लोकांचा सहभाग व ध्येयावर एकमत
संस्थेच्या मूळ उद्देशाला अनुसरून पुढील वाटचाल
एकमेका सहाय्य करण्यास तत्पर
संस्थेची व्यावसायिक व आर्थिक प्रगती
अंतिमतः कर्मचारी, अधिकारी व भागधारकांची प्रगती

नावात काय आहे असे शेक्सपियर म्हणाला होता, पण शैलेश तांडेल या नांवातच भरपूर काही आहे. शैलेश म्हणजे हिमालय. त्यात हिमालयाच्या शिखरासारखे चढ उतार आहेत. हिमालयाच्या कुशीत सामावलेले अफाट ज्ञान आहे, सहज सुंदर अशी विनम्रता आहे आणि तांडेल म्हणजे जो नाविकांची नाव ठरलेल्या ठिकाणी जाण्याचे मार्गदर्शन करतो; तो नाविक नाही तर नाविकांचा प्रमुख आहे, ज्याच्या प्रत्येक कृतीमध्ये एक दृढनिश्चय असतो.

गेल्या १०/१५ वर्षात खूप सारी मराठी माणसे उद्योगधंद्यात उतरली आणि यशस्वी देखील होत आहेत परंतु १९८९ मध्ये परिस्थिती उद्योगाला तेवढी पूरक नव्हती. त्यावेळी मराठी माणूस आणि उद्योग म्हणजे जशी उत्तर आणि दक्षिण धृवाची परस्परविरोधी.टोकं. एकंदरीत उद्योगधंद्यात मराठी माणसाचं अस्तित्व जवळपास नव्हतंच कारण उद्योगात पडणे म्हणजे खूप मोठी जोखीम जिथे तुमच्याकडे असलेले सर्वकाही तुम्ही हरवून बसाल आणि जेव्हा तुमच्या कुटुंबाची जबाबदारी तुमच्यावर असते तेव्हा साहस नव्हे तर सुरक्षिततेला अधिक प्राधान्य असते त्यामुळे कदाचित उद्योगधंद्यात मराठी माणसाचे प्रमाण अगदीच नगण्य होते.

जर परिस्थिती उद्योगाला पूरक नव्हती तर ती वयाची विशीही पूर्ण न केलेल्या आणि हातात कोणतेही भांडवल वा मार्गदर्शन...पुढे वाचा>>>